جماعت اسلامی کا ترانہ یا کیمونسٹ پارٹٰی کا منشور –  Tarana Jamat-e-Islami or the Manifesto of the Communist Party

(Play) – Jamat-e-Islami Tarana.mp3

جماعت اسلامی کا ایک ترانہ متعارف ہوا ہے۔
اس میں قابل اعتراض بات یہ ہیں کہ ایک تو اس میں موسیقی کا بے دھڑک استعمال ہے دوسرے یہ کہ اس کے اشعار بھی کسی طرح سے ایک اسلامی سیاسی جماعت کا پروگرام نہیں  ہو سکتے ،

ظالم سے ٹکرا سکتی ہے

ظلم کا دور مٹاسکتی ہے

جو تبدیلی لاسکتی ہے

صرف جماعت اسلامی ہے

                                                چند گھرانے چند وڈیرے

                                              ملک کی معیشت کو ہیں گھیرے

                                              غاصب ہیں بے رحم لٹیرے

                                             ان سے جان چھڑا سکتی ہے

                                             صرف جماعت اسلامی ہے

ملک میں ہے بھر پور کرپشن

ملت کا ناسور کرپشن

آؤ کردیں دور کرپشن

چوروں کو لٹکا سکتی ہے

جو تبدیلی لا سکتی ہے

صرف جماعت اسلامی

                                         چوپٹ راج اندھیر نگری ہے

                                         رشوت ہی ظلمت کا سحر

                                        جھوٹی سیاست طاقتور ہے

                                         صبح کے دیپ جلا سکتی ہے

                                         جو تبدیلی لاسکتی ہے

                                        صرف جماعت اسلامی ہے

جس قوم کے دل میں عمل کی گرمی پیدا کرنے والا داعیہ اب تک محض اعلائے کلمة اللہ کا داعیہ رہا ہے، کیا تمھارا گمان ہے کہ اب معدے اور بدن کے مطالبات اس میں درجہ حرارت پیدا کریں گے ؟
یا کونسلوں کی نشتوں اور ملازمتوں کے تناسب کا سوال اس کے قلب و روح کو گرما دے گا ؟
غیر مسلم بلاشبہ انِ ذرائع سے جمع ہو جائیں گے اور ان میں حرکت بھی ان )مادی( محرکات سے پیدا ہو جائے گی ، کیونکہ ان کو جمع کرنے اور حرکت میں لانے والی اور کوئی چیز نہیں ہے – ان کا مذہب ان کو منتشر کرے گا اور ان میں حرارت صرف معدے ہی کی گرمی سے پیدا ہو سکتی ہے مگر مسلمان جس کو خدا کے نام پر جمع کیا گیا تھا اور جس میں ایمان کی گرمی پھونکی گئی تھی ، آج تم اس کو ذلیل مادی چیزوں پر جمع نہیں کر سکتے اور نہ ادنیٰ درجہ کی خواہشات سے اس میں حرارت پیدا کر سکتے ہو“